"Əla nəticə qazandıq. Güclü rəqibə qarşı yaxşı oynadıq, əsl kişilik göstərdik".

Prosport.Az-ın məlumatına görə, bunu “Sabah”ın baş məşqçisi Murad Musayev Bakıda Latviyanın RFS komandasına 2:1 hesabı ilə qalib gəldikləri UEFA Avropa Konfrans Liqasının II təsnifat mərhələsinin cavab oyunundan sonra mətbuat konfransında deyib.

Rusiyalı mütəxəssis nəticəyə görə sevindiyini gizlətməyib: "Bir az həyəcan var idi. Bu da ilk avrokubok oyunu olması ilə bağlıdır. Çox vaxtımız yoxdur. 2 gün sonra "Qəbələ" ilə matçımız var. Mövsümə yaxşı başladıq".

O, rəqibin heyətində səviyyəli oyunçular olduğunu bildirib: "2-ci hissədə riskə getdilər. Bir neçə qol imkanından yararlana bilmədik. Top buraxsaq da, geridönüş edə bildik. Rəqibin azlıqda qalması bizə problem yaratmadı. Oyun nəzarətimizdə idi. RFS-in çox qol fürsəti olmadı".

Matçdan sonra RFS-in baş məşqçisi Viktor Moroz da "Sabah"ın meydana hesabı qorumaq üçün çıxdığını iddia edib. 40 yaşlı çalışdırıcı həmkarının fikirləri ilə razılaşmayıb: "Hədəfimiz hər zaman hücum futbolu oynamaqdır. Hesabı qorumağa çalışsaydıq, səhv olardı. Ötən mövsüm də ən az qol buraxan komandalardan idik".

40 yaşlı baş məşqçi yeni transferlər Vensan Tillə Jarl Marqaritanın komandaya tam uyğunlaşmadığını etiraf edib: "Till bizə uyğun olan futbolçudur. Bu gün cinah hücumçusu kimi çıxış etdi. Qol imkanlarından istifadə edə bilmədi. Marqarita da hələ tam uyğunlaşmayıb".

Murad Musayev III təsnifat mərhələsindəki rəqibləri olan Serbiya "Partizan"ı barədə fikir bildirməyin erkən olduğunu svurğulayıb: "İndi nəsə deyə bilmərəm. Hələ oyunlarına baxmamışam. Mərhələ adlamağa çalışacağıq".

Qeyd edək ki, Konfrans Liqasında III mərhələnin oyunları 10-17 avqustda keçiriləcək.