"Qarabağ"ın belçikalı futbolçusu Sami Mmae vaxtındən erkən klubdan ayrılıb.

Bu barədə Prosport.Az-a "Qarabağ"ın əvəzedici komandasının baş məşqçisi Maksim Medvedev deyib:

"Mmae artıq nə əsas, nə də əvəzedici komandada məşq keçmir. Menecerlər arasında danışıqların necə nəticələndiyini bilmirəm. Ancaq onu bilirəm ki, artıq Azərbaycanda deyil".

Qeyd edək ki, 29 yaşlı Mərakeş əsilli mərkəz müdafiəçisi olan Sami Mmae 17 iyulda "Qarabağ"la 1 illik icarə müqaviləsi bağlayıb. 2028-ci ilin yayınadək Zaqreb "Dinamo"suna məxsus olan oyunçu Azərbaycan Premyer Liqasında 9 matç keçirib və 1 qol vurub.

O, fevralın 18-də UEFA Çempionlar Liqasının "Nyukasl"la Bakıda keçirilən oyunu (1:6) vaxt ilk hissədə zədələnən Bəhlul Mustafazadənin yerinə meydana daxil olacağını gözləyib. Lakin baş məşqçi Qurban Qurbanov müdafiənin mərkəzində braziliyalı Mateus Silvanı oynadıb. 2-ci hissədə isə Qurban Qurbanov onu meydana buraxmaq istəyib. Bu dəfə futbolçu meydana çıxmaq istəməyib və köməkçi məşqçi Elçin Rəhmanovla mübahisə edib. Bundan sonra o, əvəzedici komandaya göndərilib.

Mmae martın 21-də Binə qəsəbə stadionunda keçirilən Əvəzedicilər Liqasının qalmaqallı matçı olan "Qarabağ" – "Sabah" oyununda (2:1) 43-cü dəqiqədə 2-ci sarı vərəqə ilə meydandan qovulub. Məhz bundan sonra o, bir daha meydanda olmayıb.