Əvəzedicilər Liqasının XXIV turunda “Qarabağ-2” doğma meydanda “Zirə-2”ni 5:1 hesabı ilə məğlub edib.

Prosport.Az-ın xəbərinə görə, Binə qəsəbə stadionunda keçirilən görüşdə hesabı 7-ci dəqiqədə Nicat Xasıyev açıb. Fasilədən sonra meydan sahiblərinin üstünlüyünü 49-cu dəqiqədə Abbas Hüseynov artırıb.

Qonaqlar 53-cü dəqiqədə Murad Ələkbərovun qolu ilə fərqi minimuma endirsələr də, “Qarabağ-2” üstünlüyünü qoruyub. 73-cü dəqiqədə Elvin Cəfərquliyev penaltidən dəqiq yararlanıb. 83-cü dəqiqədə Bəhruz Qurbanlı, 90+1-ci dəqiqədə isə Mehdi Mütəllimli fərqlənərək yekun hesabı müəyyənləşdirib – 5:1.

Matçın 61-ci dəqiqəsində “Zirə-2”nin futbolçusu Rəvan Qaraəhmədli qırmızı vərəqə alaraq komandasını azlıqda qoyub.

Qeyd edək ki, bu, baş məşqçi Qurban Qurbanovun qəzəbinə tuş gəldiyi üçün cəzalandırılan cinah müdafiəçiləri – Elvin Cəfərquliyev və Abbas Hüseynovun "Qarabağ"ın əvəzedici komandasında ilk oyunu olub.