UEFA Avropa Konfrans Liqasında II təsnifat mərhələsinin oyunları keçirilir.

Prosport.Az xəbər verir ki, bu gün Azərbaycan təmsilçilərindən ilk olaraq "Sabah" meydana çıxıb.

Murad Musayevin komandası Bakıda RFS-i qəbul edib. Masazırdakı "Bank Respublika Arena"da keçirilən görüş "Sabah"ın 2:1 hesablı qələbəsi ilə başa çatıb. Səfərdəki oyunda da rəqibini 2:0 hesabı ilə üstələyən "Sabah" III təsnifat mərhələsinə yüksəlib.

Tarixində ilk dəfə avrokuboklarda iştirak edən "Sabah" III mərhələdə Serbiya "Partizan"ına rəqib olub. Bu mərhələnin oyunları 10-17 avqustda keçiriləcək.

3 avqust

Konfrans Liqası

II təsnifat mərhələsinin cavab oyunu

20:00 "Sabah" (Azərbaycan) – RFS (Latviya) 2:1 

Qollar: Yanis İkaunieks, 67 (0:1), Coy-Lans Mikels, 77 (1:1),  Emmanuel Apeh,  90+4 (2:1)

Qırmızı vərəqə: Artur Zyuzin, 33 (RFS)

Baş hakim: Fedayi San (İsveçrə)

İlk oyun – 2:0

Masazır. "Bank Respublika Arena"