"Kəpəz" 5 gün əvvəl heyətinə qatdığı Bəxtiyar Həsənalızadə ilə vidalaşıb.

Prosport.Az xəbər verir ki, 31 yaşlı müdafiəçi karyerasını Türkiyədə davam etdirəcək. Təcrübəli oyunçu I divizionda çıxış edən "Tuzlaspor"a keçəcək.

Azərbaycan millisinin müdafiəçisi ilə Gəncə təmsilçisi arasında bağlanan müqavilədə ölkə xaricindən təklif gələcəyi halda sərbəst qalacağı barədə bənd yer aldığından, anlaşmaya qarşılıqlı razılıq əsasında xitam verilib.

Qeyd edək ki, Bəxtiyar Həsənalızadə "Kəpəz"ə sərbəst futbolçu kimi getmişdi.