Sabah Premyer Liqada ilk oyununa çıxacaq “Araz-Naxçıvan” transfer çalışmalarını da davam etdirir.

Prosport.Az xəbər verir ki, bölgə təmsilçisi bu gün daha bir legionerlə müqavilə imzalayıb. İqor Ribeyru 1 il ərzində “Araz-Naxçıvan”ın formasını geyinəcək.

Braziliyalı mərkəz müdafiəçisinin sonuncu klubu Paraqvay “Takuari”si olub. 26 yaşlı futbolçu buna qədər vətənində “Qama”, “Bandeyranti” və “Seylanca” komandalarının heyətində çıxış edib.

Xatırladaq ki, "Araz-Naxçıvan" buna qədər Nunu Miqel, Vanderson, Semir Bukviç, Miço Kuzmanoviç, Numan Kurdiç, Məhəmməd Qədiri, İsmail Azzaui, Elvis Masike, Orxan Əliyev, Vüsal Şabanov, Tuqay Əlizadə, Bayraməli Qurbanov, Həzrət İsayev, Turan Manafov, Vadim Abdullayev, Nihat Qurbanlı, Nicat Süleymanov, Elçin Mustafayev, Abdulla Rzayevlə müqavilə imzalayıb.