Azərbaycan millisinin futbolçusu Mahir Emreli mövsümün sonunda Almaniyanın "Kayzerslautern" klubundan ayrıla bilər.

Prosport.Az bild.de saytına istinadən xəbər verir ki, nadir hallarda meydana çıxan hücumçu az şans qazanmasından narazıdır.

Baş məşqçi Torsten Liberknextlə münasibətləri yaxşı olmayan forvardın müqavilə müddəti başa çatmadan 2-ci Bundesliqa təmsilçisini tərk edəcəyi istisna olunmur.

Bildirilib ki, mövsümün son oyunlarında vəziyyət müsbətə doğru dəyişməsə, Emreli "Kayzerslautern"lə vaxtından əvvəl vidalaşmalı olacaq.

Qeyd edək ki, Mahir Emreli ötən yay Almaniya klubu ilə 3 illik müqavilə imzalayıb.