Azərbaycanı UEFA Avropa Konfrans Liqasında təmsil edən komandalar bu gün II təsnifat mərhələsində cavab oyunlarını keçirəcək.

Prosport.Az-ın məlumatına görə, əvvəlcə meydana "Sabah" klubu çıxacaq. Murad Musayevin baş məşqçi olduğu kollektiv "Bank Respublika Arena"da Ltaviyanın RFS komandasını qəbul edəcək. Görüş saat 20:00-da başlayacaq. İlk qarşılaşmada Bakı təmsilçisi rəqibini 2:0 hesabı ilə məğlub edib.

"Neftçi" və "Qəbələ"nin oyunları isə eyni saatda – 21:00-da start götürəcək. "Ağ-qaralar" Bosniya və Herseqovinada 2:2 hesablı heç-heçə etdiyi "Jelezniçar"la bu dəfə 8-ci km stadionunda üz-üzə gələcək.

"Qırmızı-qaralar" isə Kiprdə "Omoniya"nın qonağı olacaq. Qəbələdəki matçda eyniadlı komanda rəqibinə uduzub - 2:3.

UEFA Konfrans Liqası
II təsnifat mərhələsi, cavab oyunları
3 avqust

20:00 "Sabah" (Azərbaycan) – RFS (Latviya)
Baş hakim: Fədayi San (İsveçrə)
İlk oyun – 2:0
Abşeron. "Bank Respublika Arena"

21:00 "Neftçi" (Azərbaycan) – "Jelezniçar" (Bosniya və Herseqovina)
Baş hakim: Balaş Berke (Macarıstan)
İlk oyun – 2:2
Bakı. 8-ci km stadionu

21:00 "Omoniya" (Kipr) – "Qəbələ" (Azərbaycan)
Baş hakim: Adam Laderbek (İsveç)
İlk oyun – 3:2
Nikosiya. "GSP Arena"