UEFA Çempionlar Liqasında II təsnifat mərhələsinə yekun vurulub.

Prosport.Az-ın məlumatına görə, ikinci oyun günündə keçirilən 8 qarşılaşma ilə III mərhələnin növbəti iştirakçıları bəlli olub.

Mahir Emrelinin çıxış etdiyi "Dinamo" (Xorvatiya) və "Qarabağ"ı mübarizədən uzaqlaşdıran "Rakuf"dan (Polşa) başqa, Türkiyənin "Qalatasaray", Farer adalarının "Klaksvik", İsveçrənin "Servett", Norveçin "Molde", İsrailin "Makkabi" (Hayfa) və Danimarkanın "Kopenhagen" komandaları da III təsnifat mərhələsinə vəsiqə əldə edib.

UEFA Çempionlar Liqası
II təsnifat mərhələsi, cavab oyunları
2 avqust

"Heken" (İsveç) – "Klaksvik" (Farer adaları) 3:3 (Əlavə vaxtda 1:1; Penaltilər seriyasında 3:4)
İlk oyun – 0:0

"Molde" (Norveç) – HİK (Finlandiya) 2:0
İlk oyun – 0:1

"Makkabi" (Hayfa, İsrail) – "Şerif" (Moldova) 4:1 (Əlavə vaxtda 2:0)
İlk oyun – 0:1

"Xenk" (Belçika) – "Servett" (İsveçrə) 2:2 (Penaltilər seriyasında 1:4)
İlk oyun – 1:1

"Kopenhagen" (Danimarka) – "Breydablik" (İslandiya) 6:3
İlk oyun – 2:0

"Qalatasaray" (Türkiyə) – "Jalqiris" (Litva) 1:0
İlk oyun – 2:2

Qeyd edək ki, bu mərhələnin ötən gün keçirilmiş 4 cavab oyunundan sonra Yunanıstanın "Panatinaikos", Sloveniyanın "Olimpiya", Kiprin "Aris" və Slovakiyanın "Slovan" komandaları III mərhələyə yüksəlib.