AFFA Gənclər Liqasının (U-19) II mərhələnin IV turunda “Qarabağ” doğma meydanda “Qəbələ”ni qəbul edib.

Prosport.Az-ın məlumatına görə, Sərhədçi İdman Mərkəzində keçirilən qarşılaşma Ağdam təmsilçisinin 2:1 hesablı qələbəsi ilə başa çatıb.

“Qarabağ” ilk hissəni Əli İbrahimin vurduğu qol sayəsində üstün başa vurub. 2-ci hissədə Ağdam təmsilçisinin nigeriyalı forvardı Muhiddin Olatunci hesab arasındakı fərqi artırıb.

“Qəbələ”nin heyətində Ziya Şəkərxanov fərqlənərək hesab fərqini azaltsa da, bu qol komandasını məğlubiyyətdən xilas etməyib.

"Qarabağ" II mərhələdə məğlubiyyətsiz turnir cədvəlinə başçılıq edir.