“Neftçi” braziliyalı futbolçu Andre Sinyasikinin transferini açıqlayıb.

Prosport.Az xəbər verir ki, Bakı klubu 26 yaşlı hücumçunun keçidini xüsusi videoçarxla təqdim edib.

ABŞ-ın “Şarlott” klubundan alınan forvard yeni komandasında 9 nömrəli formanı geyinəcək. O, "ağ-qaralar"la 2 illik müqavilə bağlayıb.

Qeyd edək ki, Andre Sinyasiki karyerası ərzində indiyə qədər yalnız ABŞ-da çıxış edib. Andre Sinyasiki ABŞ-nin “Kolorado Rapids” (2017-2022), “Kolorado Sprinqs Suitçbaks” (2019) və “Şarlott” (2022-2023) klublarında çıxış edib. 2019-cu ildə MLS-də ilin ən yaxşı gənc oyunçusu seçilib. O, ata tərəfdən yapon, ana tərəfdən italyan mənşəlidir.

Qeyd edək ki, “Neftçi” bundan əvvəl milli komandamızın üzvləri – qapıçı Emil Balayev, Xorvatiya əsilli yarımmüdafiəçi Filip Ozobiç, mərkəz müdafiəçiləri – braziliyalı Yuri Matias və macarıstanlı Mark Tamaş, təcrübəli dayaq yarımmüdafiəçisi Qara Qarayev və sağ cinah müdafiəçisi Ervin Kofi ilə anlaşıb.