Azərbaycan Basketbol Liqasında müntəzəm mövsümə yekun vurulub.

Prosport.Az xəbər verir ki, XX turun sonuncu oyununda "Sabah" "Abşeron Layns"la üz-üzə gəlib.

Bakı İdman Sarayında baş tutan qarşılaşma "bayquşlar"ın 105:72 hesablı qələbəsi ilə bitib.

A qrupunun oyunu xoşagəlməz hadisə ilə də yadda qalıb. Görüşün 4-cü periodunda "Abşeron Layns"ın oyunçusu Ceylon Şou ciddi zədə alaraq meydanı xərəkdə tərk edib.

Xatırladaq ki, turun əvvəlki qarşılaşmalarında "Sərhədçi" "Sumqayıt"ı (93:89), "Ordu" "Lənkəran"ı (107:65), "Naxçıvan" "Quba"nı (103:96), "Gəncə" "Şəki"ni (84:73), "Neftçi" NTD-ni (93:83) məğlub edib.

Beləliklə, reqlamentə əsasən, müntəzəm çempionatı A qrupunda ilk 3 sırada bitirmiş "Sabah", "Abşeron Layns", "Neftçi" klubları və B qrupunun 1-cisi "Ordu" birbaşa play-offa (1/4 final) vəsiqəni təmin ediblər.

Pley-ində (1/8 final) isə "Naxçıvan" - "Sərhədçi", "Gəncə" - "Lənkəran", "Quba" - "Şəki", "Sumqayıt" - NTD oyunları baş tutacaq. 1/8 final seriyalarında ən tez 2 qələbə qazanan komandalar 1/4 finala vəsiqə qazanacaqlar. Oyunlar aprel ayında start götürəcək.