Əvəzedicilər Liqasının XXI turunun "Qarabağ-2" – "Sabah-2" görüşündə daha bir insident yaşanıb.

Prosport.Az sportinfo.az-a istinadən xəbər verir ki, 1:2 hesabı ilə məğlub olan "Sabah"ın futbolçuları Binə qəsəbə stadionunun paltardəyişmə otağının şüşələrini qırıb.

Əsəblər o qədər tarıma çəkilib ki, məsələyə polis müdaxilə etməli olub. Hətta "tələbələr"in 2 üzvü polis bölməsinə aparılıb.

Bu həmin görüşlə bağlı 2-ci qalmaqaldır. Matçın gedişində isə Ağdam klubunun baş məşqçisi Maksim Medvedev futbolçuları meydandan çıxarıb.

Qeyd edək ki, "Sabah" bu xal itkisi ilə lider olmaq şansını əldən verib.