Azərbaycan Premyer Liqasının XXIV turunda "Qəbələ" doğma meydanda "Neftçi"yə 1:3 hesabı ilə məğlub olub.

Prosport.Az xəbər verir ki, "Qəbələ"nin baş məşqçisi Kaxaber Sxadadze oyundan sonra keçirilən mətbuat konfransında fikirlərini bölüşüb:

"Fikrimcə, bərabər oyun keçdi. Matça çox yaxşı başlamışdıq. Təəssüf ki, çox sadə qollar buraxdıq. Bu səviyyədə belə səhvlərə yol vermək olmaz. Xüsusilə "Neftçi" kimi komandalara qarşı. Psixoloji baxımından işləmək lazımdır. Görünən odur ki, futbolçularda psixoloji problem var. Fiziki cəhətdən hər hansı bir problemimizin olduğunu düşünmürəm.

Müəyyən müddətdir burada işləyirəm. Bəzi azarkeşlərin məni istefaya səsləməsini anlamıram. Avropada bu cür hallarda komandaya və baş məşqçiyə sona qədər dəstək olurlar. Məni istefaya səsləyənlər 13-14 yaşlı uşaqlardır".