UEFA Avropa Konfrans Liqasının II təsnifat mərhələsi çərçivəsində iyulun 27-də Sarayevo şəhərindəki "Qrbavitsa" stadionunda keçirilmiş “Jelezniçar” – “Neftçi” matçında zədələnmiş futbolçu Ervin Kofinin zədəsi ciddi deyil.

Prosport.Az xəbər verir ki, fransalı sağ cinah müdafiəçisi müayinədən keçib.

Bununla bağlı “Neftçi” PFK-nın baş həkimi Şaiq Zöhrablı klubun rəsmi saytına açıqlamasında bildirib: “İlkin müayinədən sonra ciddi zədə aşkar edilmədi. Ervin Kofi bu gün (dünən – red.) fərdi məşqlərə başlayıb. Açıq daban oynağındakı ağrıları olmasa, 1-2 gündən sonra komanda ilə məşqlərə qoşula biləcək”.

Qeyd edək ki, Ervin Kofi 72-ci dəqiqədə Ömər Buludovun yerinə meydana daxil olsa da, 90+3-cü dəqiqədə zədələnərək yerini Azər Salahlıya verməli olub.