Azərbaycan millisinin hücumçusu Ramil Şeydayevin çıxış etdiyi Tailandın "Buriram Yunayted" klubu növbəti yoxlama oyununu keçirib.

Prosport.Az xəbər verir ki, komanda Tailandın "Xonkaen Yunayted" klubu ilə qarşılaşıb və 4:1 hesabı ilə inamlı qələbə qazanıb. Ramil Şeydayev də bu oyunun iştirakçısı olub.

90 dəqiqə meydanda olan 26 yaşlı hücumçu 6-cı dəqiqədə qvineyalı hücumçu Lonsana Dumbuyaya ilk qolun ötürməsini verib. O, 3-cü və 4-cü qollarda da yaxından iştirak edib. Tərəflərin razılığı ilə əlavə 30 dəqiqə də oynanılıb. Həmin vaxt artıq Şeydayev əvəzlənib. Burada rəqib yalnız qollardan birinin əvəzini çıxa bilib.

Qeyd edək ki, Şeydayev bir neçə gün əvvəl Honkonqun "Kitçi" klubu ilə sınaq matçında da (3:2) qol ötürməsi etmişdi.

Ramil Şeydayevin bugünkü oyundakı qol ötürməsinin videosunu təqdim edirik.