Azərbaycan millisinin üzvü Mahir Emrelinin də formasını geyindiyi "Dinamo" (Zaqreb) Xorvatiya çempionatında II tur oyununa çıxıb.

Prosport.Az xəbər verir ki, komanda səfərdə "İstra 1961" ilə qarşılaşıb. Oyun Zaqreb təmsilçisinin 3:0 hesablı qələbəsi ilə başa çatıb.

M.Emreli sözügedən görüşdə start heyətdə meydana çıxıb. O, matçda fərqlənməyi də bacarıb. 6-cı dəqiqədə Luka İvanuşetsin vurduğu qolun ötürməsini Emreli verib. Həmçinin o, 57-ci dəqiqədə komandasının 2-ci qoluna imza atıb. Hücumçu 88-ci dəqiqədə komandanın əsas hücumçusu Bruno Petkoviçlə əvəzlənib.

Qeyd edək ki, Mahirin komandası hazırda turnir cədvəlində 3 xalla 4-cüdür. Zaqreb təmsilçisi ilk turda "Xayduk"a 1:2 hesabı ilə uduzub.