İyulun 27-də Bosniya və Herseqovinanın paytaxtı Sarayevoda keçirilmiş UEFA Avropa Konfrans Liqasının II təsnifat mərhələsinin "Jelezniçar" – "Qarabağ" oyununda (2:2) insident baş verib.

Prosport.Az saytının əldə etdiyi məlumata görə, ilk hissədə "Neftçi"nin futbolçusu Qara Qarayevlə bosniyalı azarkeşlər arasında konflikt yaşanıb.

Həmin tribunada Azərbaycanın və Türkiyənin Bosniya Herseqovinada yerləşən səfirliyinin nümayəndələri də əyləşib. Lakin yerli polisin müdaxiləsindən sonra insidentin qarşısı alınıb.

Məsələ ilə bağlı Qara Qarayevin də fikirlərini öyrəndik. O da saytımıza açıqlamasında bu xəbəri təsdiqləyib: "Bəli, belə bir xoşagəlməz hal baş verdi. İstəməzdik ki, belə olsun. Bosniyalı azarkeşlərə yaxın yerdə əyləşmişdi. Mənim şəxsimə yönəlik atmacaları qəbul edərəm, ancaq ölkəmə aid yox. Onlar ölkəmizə aid söz atdılar, mən də qarşılıq verdim. Daha sonra polislər gəldi. Ondan sonra quzu kimi sakit dayandılar".

Xatırladaq ki, Qara Qarayev cari avrokubok mövsümündə "Qarabağ"la UEFA Çempionlar Liqasının matçında oynadığı üçün "Neftçi"yə kömək edə bilmir.

Səbuhi Musa