"Ordu"nu yarımfinala yüksəlməsi münasibətilə təbrik edirəm".

Prosport.Az xəbər verir ki, bu sözləri basketbol üzrə Azərbaycan Kubokunun 1/4 final mərhələsində "Ordu"ya 74:93 hesabı ilə uduzaraq mübarizəni dayandıran "Sumqayıt"ın baş məşqçisi Vadim Kuramşın deyib.

Mütəxəssis məğlubiyyəti belə şərh edib: "Müntəzəm çempionatda biz onları məğlub etdikdən sonra heyətlərinə daha bir legioner basketbolçu dəvət edə bildilər. Bizdən fərqli, onların büdcəsi buna imkan verir. İstənilən halda, biz ilk 2 periodda çox yaxşı basketbol oynadıq. Sadəcə ehtiyat oyunçular skamyasından vəziyyəti xeyrimizə dəyişəcək dəstək ala bilmədik. Daha doğrusu, buna gücümüz çatmadı".