“İmişli” Peşəkar Futbol Klubunun prezidenti Kamran Eyyubov Gürcüstanın nüfuzlu "Dinamo" (Tbilisi) Futbol Akademiyasında işgüzar görüş keçirib.

Prosport.Az xəbər verir ki, görüş zamanı futbol akademiyalarının fəaliyyəti, gənc futbolçuların hazırlanması və inkişaf modeli ilə bağlı geniş fikir mübadiləsi aparılıb.

Eyni zamanda, "İmişli" Futbol Akademiyasının qurulması istiqamətində görüləcək işlər müzakirə olunub, struktur, idarəetmə və inkişaf strategiyası üzrə əsas hədəflər müəyyənləşdirilib. Görüş qarşılıqlı əməkdaşlıq və təcrübə mübadiləsi baxımından əhəmiyyətli hesab olunub.