"Çox söz deyə bilərdik, amma boş verin, dəstəkləyən hamıya təşəkkür edirik".

Prosport.Az xəbər verir ki, bunu Türkiyənin "Konyaspor" klubunda çıxış edən Azərbaycan millisinin futbolçusu Mahir Emreli evdə "Adana Demirspor"a 1:2 hesabı ilə uduzduqları XXX tur oyunundan sonra şəxsi İnstaqram hesabında yazıb.

O, baş hakim Sarper Barış Sakanın 53-cü dəqiqədə VAR-a baxılmadan təyin etdiyi penalti qolu ilə məğlubiyyətə işarə vurub.

Qeyd edək ki, matça start heyətdə başlayan Mahir Emreli 40-cı dəqiqədə komandasının yeganə qolunu vurub və 60-cı dəqiqədə əvəzlənib. 48-ci dəqiqədə Adana təmsilçisində David Akintola qırmızı vərəqə alaraq meydandan qovulub. "Konyaspor" məhz həmin qırmızı vərəqəni sığortalamaq üçün bu penaltinin təyin edildiyini iddia edir.