"Naxçıvan" Azərbaycan Basketbol Liqasının XIII turunda səfərdə "Lənkəran"a 106:75 hesabı ilə qalib gəlib.

Prosport.Az xəbər verir ki, matçdan sonra hər iki komandanın baş məşqçisi fikirlərini bölüşüb.

Nikola Bozinoski ("Naxçıvan"): "Oyuna daha yaxşı başlasaq da "Lənkəran" basketbolçuları 3 xallıq atışlarda daha yaxşı çıxış edərək oyuna ortaq oldular. Daha sonra üstünlüyü ələ almağı bacardıq. Yekunda qələbə qazanmağı bacardıq. Oyunçularımın performansından razıyam. Müdafiədə problemlər yaşasaq da, bunu düzəltməyə çalışacağıq. Növbəti matçımıza fokuslanmalıyıq".

Georgi Kondruseviç ("Lənkəran"): "Bizim iki hissə üçün mübarizə aparmağa gücümüz çatdı. Bu izaholunandır. Heyətin kasadlığı ilə yanaşı, xəstəlik və zədələr oyunumuzun səviyyəsinə təsir göstərir. Amma buna baxmayaraq belə çətin vəziyyətdə meydana çıxan və mübarizə aparmağa çalışan oyunçularımıza, eləcə də bizi dəstəkləməkdə davam edən azarkeşlərimizə minnətdaram".