Misli Premyer Liqasının XV turunda "İmişli" "Karvan-Yevlax"la heç-heçəyə razılaşıb.

Prosport.Az xəbər verir ki, Quba Olimpiya İdman Kompleksinin stadionunda baş tutan qarşılaşmada tərəflər hərəyə 1 dəfə fərlqəniblər.

İmişli kollektivindən 29-cu dəqiqədə Dioqo Almeyda hesabı açıb. 10 dəqiqə sonra "status-kvo"nu bərpa edən Vadim Abdullayev yekun nəticəni müəyyənləşdirib.

16 xalı olan "İmişli" turnir cədvəlində 8-ci, 6 xala malik "Karvan-Yevlax" sonuncu - 12-cidir. Ölkə kubokunu da nəzərə alsaq, "İmişli"nin qələbəsiz oyunlar seriyası 4-ə çatıb.

Qeyd edək ki, turun daha əvvəl baş tutan görüşlərində "Şamaxı" "Zirə"ni (2:1), "Sabah" "Turan Tovuz"u (3:1), "Kəpəz" "Qəbələ"ni (1:0), "Qarabağ" isə "Araz-Naxçıvan"ı (5:1) məğlub edib.