"Komandanı qələbə münasibətilə təbrik edirəm. Çox vacib qələbədir".

Prosport.Az xəbər verir ki, bu sözləri NTD-nin baş məşqçisi Tahir Baxşıyev Azərbaycan Basketbol Liqasının IX turunda "Şəki"yə 93:79 hesabı ilə qalib gəldikləri oyundan sonra deyib.

Mütəxəssis çempionata çox zəif başladıqlarını, mövsüm ərzində ilk dəfə tam heyətlə oyuna çıxdıqlarını bildirib: "Artıq nə istədiyimizi yaxşı anlayırıq. Bu gün Tay Kokfild bizə çox kömək etdi — bu onun ilk oyunu idi. Bütün komanda əla çıxış etdi. Ümid edirəm ki, uğurlu seriyamızı davam etdirəcəyik. Oyunumuz üzərində hələ çox işləməliyik, amma artıq vəziyyət xeyli yaxşılaşıb".