Almaniyanın Keinbaum şəhərində yeniyetmə boksçular arasında U-17 Avropa çempionatı davam edir.

Prosport.Az xəbər verir ki, yarışın 2-ci günündə Azərbaycan millisinin daha 4 idmançısı qələbə qazanıb.

Qardaş Rəhimov (46 kq) 1/8 finalda Hasan Pəhlivan Uçakla (Türkiyə) qarşılaşıb. Döyüş boksçumuzun 5:0 (30:27, 30:27, 29:28, 30:27, 30:27) hesabı ilə xeyrinə bitib. Rəhimov növbəti görüşdə ilk mərhələdən azad olan Misteak Rama (Albaniya) ilə üz-üzə gələcək.

Əli Əliyev (48 kq) startda Noa Sançesi (Fransa) mübarizədən kənarlaşdırıb – 5:0 (30:27, 29:28, 29:28, 30:27, 30:27). O, 1/4 finalda Yonut Madalin Kaluqarla (Rumıniya) gücünü yoxlayacaq.

Şükar Əliyev (75 kq) də komanda yoldaşlarının uğurunu təkrarlayıb. Boksçumuz Valentin Zefini (Albaniya) 5:0 (30:27, 30:26, 29:27, 30:26, 30:26) hesabı ilə məğlub edib. Əliyev 1/4 finalda Yanik Müla ilə (Almaniya) münasibətinə aydınlıq gətirəcək.

İsmayıl Vəliyev (80 kq) isə 1/8 finalda Elvir-Aqustin Dinuya (Rumıniya) qalib gəlib. Təmsilçimiz rəqibini 5:0 (30:27, 29:25, 30:27, 29:28, 30:27) hesabı ilə məğlub edib. O, 2-ci qarşılaşmasında Luis Köbanı (Almaniya) sınağa çəkəcək.

Qeyd edək ki, bu boksçular 1/4 final döyüşünə dekabrın 13-də çıxacaq.