"Biz hər oyunda qələbə üçün parket üzərinə çıxırıq. Avropa Kuboku və ya çempionat, fərq etmir".

Prosport.Az xəbər verir ki, bu sözləri "Abşeron Layns"ın baş məşqçisi Ərhan Tokər "Neftç ilə FIBA Avropa Kuboku oyunundan sonra deyib.

Türkiyəli mütəxəssis 95:86 hesabı ilə qələbə qazandıqları matçla bağlı fikirlərini bölüşüb: "Hazırda yaxşı komandamız var. Oyun zamanı ən yaxşı tərəflərimizi sərgiləməyə çalışırıq. Alınmayanda təbii ki, məğlub oluruq. Son zamanların ən yaxşı komanda oyununu oynadıq. Bura Arinze Çidom və De Sin Ekinseni də əlavə edərdim ki, onlar da gözəl komanda oyununun bir hissəsi oldular. Buna sevinirəm. Bizim üçün bu oyunun digər oyunlardan fərqi yoxdur. Çox çətin dönəmdən keçdik. Ardıcıl səfərlərdən sonra komandamın məşq etməyə çox vaxtı olmadı və bu oyuna çıxaraq qələbə qazandıq. Bu, basketbolçularımın oyuna necə bağlı olmağından irəli gəlir". 

O, ötən oyundakı insidentlərin motivasiyaya təsirinin olmadığını söyləyib: "Həmin oyunda yaşanan xoşagəlməz hallar barəsində bir gün sonra komanda ilə danışıq aparmışdıq. Vəssalam. Daha sonra bu barədə söhbət açılmadı. Bu gün sadəcə parket üzərində yaxşı oynamalıydıq və bunu etdik. Biz Abşeronla yanaşı, Azərbaycanı təmsil edirdik".