Azərbaycan və Fransa yığmaları 2026-cı il dünya çempionatının seçmə qrup mərhələsindəki son tur oyununa itkilərlə çıxacaqlar.

Prosport.Az xəbər verir ki, meydan sahiblərindən Rüstəm Əhmədzadə cəzalı olduğu üçün qarşılaşmanı buraxacaq.

"Sumqayıt"ın forvardı Fransa ilə səfər (0:3) və İslandiya ilə ev (0:2) oyunlarında sarı vərəqə alıb. Fransa millisindən isə Kuadio Kone İslandiya (2:1) və Ukrayna ilə ev matçlarında sarı vərəqə ilə cəzalanıb.

Reqlamentə əsasən, seçmə mərhələdə 2-ci sarı vərəqəni alan oyunçu növbəti görüşü avtomatik buraxır.

Qeyd edək ki, noyabrın 16-da Tofiq Bəhramov adına Respublika stadionunda keçiriləcək Azərbaycan - Fransa qarşılaşması saat 21:00-da başlanacaq.