Azərbaycanın 17 yaşadək futbolçulardan ibarət millisi Avropa çempionatının seçmə mərhələsində bu gün sonuncu - 3-cü matçına çıxacaq.

Prosport.Az xəbər verir ki, IX qrupda yer alan komanda Rumıniya ilə üz-üzə gələcək.

Görüş Fransanın Kapbreton şəhərində yerləşən "Bourret" stadionunda, Bakı vaxtı ilə saat 17:00-da start götürəcək.

Qarşılaşmanı Xorvatiya və Fransadan olan hakimlər briqadası idarə edəcək.

Qeyd edək ki, qrupda Fransa və İsrail milliləri 4 xalla müvafiq olaraq 1-ci və 2-ci yerlərdə qərarlaşıblar. Rumıniya 2 xalla üçüncüdür. Xalı olmayan U-17 sonuncu pillədə qərarlaşıb.