Misli Premyer Liqasının VII turunda daha bir oyun keçirilib.

Prosport.Az xəbər verir ki, günün ikinci matçında "Neftçi" səfərdə "Zirə" ilə üz-üzə gəlib. Qarşılaşmada qalib müəyyənləşməyib - 2:2.

Qonaqların heyətində 66-cı dəqiqədə Fredi Varqas, 88-ci dəqiqədə Bassala Sambu fərqlənib. Meydan sahiblərindən 27-ci dəqiqədə Giorgi Papunaşvili, 90+8-ci dəqiqədə Ruan Renato penaltidən adını tabloya yazdırıb. Qəsəbə təmsilçisində Ayron Qomis 90+10-cu dəqiqədə 2-ci sarı vərəqəni alaraq meydandan qovulub.

Bu nəticədən sonra xallarının sayını 13-ə çatdıran "Zirə" 2-ci pillədə qərarlaşıb. "Neftçi" 8 xalla 7-cidir.

Günün ilk oyununda "Araz-Naxçıvan" "İmişli"ni 2 cavabsız qolla üstələyib.

Qeyd edək ki, tura oktyabrın 5-də yekun vurulacaq.