Misli Premyer Liqasının VII turunun ilk oyun günündə “Araz-Naxçıvan” və “İmişli” komandaları üz-üzə gəlib.

Prosport.Az xəbər verir ki, “Liv Bona Dea Arena”da keçirilən qarşılaşma nominal meydan sahiblərinin qələbəsi ilə yekunlaşıb -2:0.

Cavid Cəlilovun idarə etdiyi görüşdə ilk qolu 33-cü dəqiqədə Ba-Muaka Simakala vurub. Görüşün 90+4-cü dəqiqəsində isə Ülvi İsgəndərov yekun hesabı müəyyənləşdirib.

Bu nəticədən sonra Elmar Baxşıyevin kollektivi xallarını 14-ə çatdıraraq turnir cədvəlinin ilk pilləsinə yüksəlib. Jorj Kaşkilyanın komandası isə 8 xalla turnir cədvəlinin 7-ci sırasında qərarlaşıb.

Qeyd edək ki, günün növbəti qarşılaşmasında “Zirə” doğma meydanda “Neftçi”ni sınağa çəkəcək. Zirə Olimpiya İdman Kompleksində keçiriləcək görüş saat 19:30-da start götürəcək.