Türkiyənin tanınmış futbol mütəxəssisi Nihat Kahveci “Qarabağ”ın Çempionlar Liqasının Liqa mərhələsinin 2-ci turunda “Kopenhagen” üzərində qazandığı 2:0 hesablı qələbə barədə fikirlərini bölüşüb.

Prosport.Az xəbər verir ki, o, “Kontraspor” verilişində Ağdam klubunu təbrik edib:

“Qarabağ”ı təbrik edirik. İki oyundan iki qələbə və 6 xal – yolun yarısı artıq qət edilib. Komanda səfərdə 0:2 hesabı ilə geri düşdüyü oyunda 3:2 qalib gəldi, evdə isə “Kopenhagen”i məğlub etdi. Şimallıların fiziki cəhətdən güclü klubuna qarşı gözəl oyunla qələbə qazandılar. Qurban Qurbanova da ayrıca hörmətim var. Qurban olum, Qurban Qurbanov müəllimə (gülür). O, bizim “Qalatasaray”ı təbrik etmişdi. Azərbaycandan bizi çox izləyirlər. Hər kəsi təbrik edirəm; bu uğurla qürur duymamaq mümkün deyil”.

Verilişin həmin hissəsini təqdim edirik: