"Qarabağ"la oyunda qələbə qazanmağa çalışacağıq.

Prosport.Az xəbər verir ki, bunu Danimarkanın "Kopenhagen" komandasının qapıçısı Dominik Kotarski Bakıda mətbuat konfransında deyib.

O, "Qarabağ"a qarşı keçirəcəkləri UEFA Çempionlar Liqasının əsas mərhələsinin II tur oyunu ilə bağlı fikirlərini bölüşüb: "Ot örtüyü yaxşı səviyyədə deyil. Amma hər iki kollektiv eyni şəraitdə oynayacaq. Bunda hər hansı problem görmürəm. Sabah bizi ağır oyun gözləyir. Qələbə qazanmağa çalışacağıq".

Qeyd edək ki, "Qarabağ" - "Kopenhagen" oyunu oktyabrın 1-də, saat 20:45-də Tofiq Bəhramov adına Respublika stadionunda start götürəcək.