"Qarabağ"ın futbolçusu Leandro Andrade UEFA Çempionlar Liqasının Liqa mərhələsinin II turunun "Kopenhagen"lə matçından öncə keçirilən mətbuat konfransında iştirak edib.

Prosport.Az 26 yaşlı vingerin fikirlərini diqqətinizə çatdırır:

- Baş məşqçimizin dediyi kimi, hamımız üçün vacib oyundur. Azərbaycan xalqını sevindirməyə çalışacağıq. Yenidən bunu etmək şansımız var. Bu da bizi motivasiya edir ki, ən yaxşı oyunumuzu meydanda göstərək. Stadionumuz gözəldir.

- Sabahkı matçla bağlı proqnozunuz necədir?

- "Kopenhagen" əla komandadır. Bura Çempionlar Liqasıdır. Hər komanda güclüdür. Biz əlimizdən gələnin ən yaxşısını edəcəyik və maksimumumuzu meydanda verəcəyik. Oyuna maksimum dərəcədə fokuslanacağıq.

- "Benfika" ilə matçdan əvvəl qol vuracağınızı hiss etdiyinizi demişdiniz. Sabah da qol vuracağınızı hiss edirsiniz?

- Mən daha çox oyuna fokuslanmışam. Sabah necə olacağını görəcəyik. Birlikdə mübarizə aparacağıq. Çox maraqlı oyun olacaq. Ən yaxşısını edəcəyimizə inanıram.