Misli Premyer Liqasında VI tura yekun vurulub.

Prosport.Az xəbər verir ki, sonuncu matçda "Sabah" "Sumqayıt"ı qəbul edib.

"Bank Respublika Arena"dakı qarşılaşma heç-heçə ilə yekunlaşıb - 1:1. "Bayquşlar"ın heyətində Coy Lens Mikels 26-cı dəqiqədə fərqlənib. 35-ci dəqiqədə Rüstəm Əhmədzadə tarazlığı bərpa edib.

Bu nəticədən sonra xallarının sayını 11-ə çatdıran "gənclik şəhəri" təmsilçisi üçüncü pillədə qərarlaşıb. "Sabah" 8 xalla 7-cidir.

Günün ilk qarşılaşmasında "Turan Tovuz" "Kəpəz"i 3 cavabsız qolla üstələyib.

Qeyd edək ki, VI turda "Qarabağ" "Qəbələ"ni məğlub edib - 2:0. "İmişli" - "Zirə" və "Şamaxı" - "Araz-Naxçıvan" görüşləri 1:1 hesabı ilə yekunlaşıb. "Neftçi" - "Karvan-Yevlax" oyununda qol vurulmayıb.