"Neftçi"nin bu yay yollarını ayırdığı Dembo Darbonun yeni klubu bəlli olub.

Prosport.Az xəbər verir ki, qambiyalı hücumçu Liviyada oynayacaq.

27 yaşlı forvard "Əl-Əhli"yə keçib. O, Tripoli təmsilçisi ilə 1 illik müqavilə imzalayıb. 

Qeyd edək ki, ötən ilin avqustunda "Neftçi"yə transfer olunmuş Dembo Darbo iyun ayında komandadan ayrılıb. O, “Neftçi”nin heyətində 19 rəsmi oyun keçirib, 5 qol vurub.