Futbol üzrə Qırğızıstan Premyer Liqasında XIX turun oyunları keçirilir.

Prosport.Az xəbər verir ki, azərbaycanlı futbolçu Orxan Əliyevin formasını geyindiyi "Ozqon" doğma meydanda "Neftçi"ni (Koçkor-Ata) qəbul edib. Qarşılaşma ev sahiblərinin 3:2 hesablı qələbəsi ilə başa çatıb.

Əliyev də bu matçın iştirakçısı olub. 29 yaşlı forvard 2 qol vuraraq qələbəyə öz töhfəsini verib və matçın oyunçusu seçilib.

Qeyd edək ki, "Ozqon" 19 turdan sonra 28 xal toplayıb və turnir cədvəlinin 2-ci pilləsində qərarlaşıb.