Futbol ekspertləri Tyeri Anri və Ceymi Karaqer "CBS Sports" telekanalında UEFA Çempionlar Liqasının I tur oyunlarını şərh edərkən “Qarabağ”ın Portuqaliya “Benfika”sı üzərində Lissabonda qazandığı 3:2 hesablı qələbəyə də toxunub.

Prosport.Az xəbər verir ki, Fransa millisinin sabiq futbolçusu olmuş Tyeri Anri deyib: “Bu həftə sosial şəbəkələrdə mənim lentim Azərbaycan bayraqları ilə dolu idi. Yuxudan oyananda minlərlə mesaj gördüm. Mən sadəcə həqiqəti deməyə çalışırdım. "Qarabağ" həqiqətən güclü komandadır. Onlar həm topla, həm də topsuz çox yaxşıdır. Düşünürəm ki, əsas gücləri də budur”.

Anri “Benfika” ilə qarşılaşmadan əvvəl Ağdam təmsilçisinin sürpriz edəcəyini proqnozlaşdırmışdı.

Futbol eksperti Ceymi Karaqer isə bildirib: “Əgər desəm ki, Tyerinin sosial şəbəkə hesablarında Azərbaycan bayraqlarını görəndə təəccüblənmədim, yalan danışmış olaram. O artıq bütün Avropa üzrə proqnozlarını bölüşür. Mən onun "Qarabağ" haqqında dedikləri ilə razıyam. Bu həqiqətən təsiredici komandadır. Nizam-intizam və həm top ilə, həm də topsuz oyun keyfiyyəti – məhz bu onları digərlərindən fərqləndirir. Düşünürəm ki, əsas gücləri də budur”.