Yay transfer dönəminin ən fəal klublarından olan “Neftçi” hələ də heyətini gücləndirməkdə davam edir. “Transfer pəncərəsi”nin bağlanmasına baxmayaraq, “ağ-qaralar” oyunçu keçidlərinə fasilə vermək istəmir.

Prosport.Az futbolinfo.az-a istinadən xəbər verir ki, sərbəst futbolçu statusu daşıyan oyunçuları araşdıran məşqçilər korpusu onların daha biri ilə bağlı müsbət rəy verib. Söhbət Nigeriyanın U-20 yığmasının sabiq yarımmüdafiəçisi İfeanyi Metyudan gedir.

Son olaraq İsveçrədə “Sürix”in formasını geyinmiş 28 yaşlı orta sahə oyunçusu yayda bu komandadan ayrılıb. Norveçdə “Lilleström”, Türkiyədə “Osmanlıspor”un şərəfini qorumuş Metyunun “Neftçi” də daxil olmaqla bir neçə variantı var. Lakin onun Azərbaycan klubuna keçmək ehtimalı daha yüksək qiymətləndirilir. Hazırda tərəflər arasında danışıq aparılır.

Qeyd edək ki, 2016-cı ildə Nigeriyadan Avropaya köçən İfeanyi Metyu həmin vaxtdan bəri qitənin bir neçə klubunda oynayıb.