"Neftçi"nin qatı azarkeşlərindən olan Elxan Xəlilov maraqlı mövqe ortaya qoyub. Daima klubu sağlam tənqid edən Xəlilov bu dəfə "Neftçi"nin əzəli rəqibi "Qarabağ"ı UEFA Çempionlar Liqasının əsas mərhələsinə düşməsinə görə təbrik etməməsinə aydınlıq gətirib.

Prosport.Az həmin yazını təqdim edir: 

"Neftci"yə yaman döşəyirler haa...

Həm sağdan, həm soldan, hərə əlinə bir daş alıb düsüb komandanın üstünə...

Fağır bir "Neftçi" düşüb əllerinə...

Biri yazır ki, niyə "Neftçi" təbrik etmədi, biri yazır ki, 800 min avronu necə yeyəcəklər?

Təbrik məsələsinə gəlincə, "Neftçi" rəhbərliyi təbrik etmədi ona göre yox ki, onlar qatı "Neftçi"lidirlər və yaxud prinsipial insanlardır...

Xeyr!

Sadəcə, utandılar öz azarkeşlərindən...

O zaman biz haqlı olaraq sual verə bilərdik ki, bəs bizi nə vaxt təbrik edəcəklər? Bəs siz niyə "Neftçi" boyda dağ komandanı ölkənin ən zəif, ən cılız komandasına cevirmisiniz?

Ölkədə sizin kimi şəraiti olan, güclü sponsora malik 2-ci bir klub yoxdur...

Bu suallardan qacmaq ücün susmağa üstünlük verdilər, "Neftçi"ni sevdikləri üçün deyil...

Heç kimə sirr deyil ki, "Neftçi"nin Müşahidə Şurasında "Qarabağ"sevər qalstuklular da oturub və bəlkə də çoxu stadiondan izləyib oyunu, ürəkdən də seviniblər...

800 min məsələsinə gəlincə, "Neftçi" də vaxtı ilə çox çətin durumda olan komandalara kömək edib, öz stadionunu pulsuz olaraq məşqlərə, oyunlara peşkəş edib, hətta bəzilərinin ən pis vaxtında səfər oyunlarına da maddi yardım edib, topla temin edib...

Burda bir az stop edin...

Bunlar təbii ki, yaddan çıxıb artıq...

Cünki bu söyüşləri, təhqirləri yazanların əksəriyyəti son 10 ildə futbol izləyən azarkeşlerdir, bilməzlər belə şeyləri...

Bir də ki, sizə elə ən böyük köməkliyi edənlər son 10 ildəki "Neftçi" rəhbərləridir, klubun sponsorlarıdır...

10 ildir ki, "Neftci"ni məhv edirlər, sizin kimi komandaların bəxti açılıb...

Daha bundan artıq neyləsinlər?

Təbrik də etsinlər hələ?"