"Qarabağ"ın 17 yaşadək komandasının (U-17) İsveçin Yötebori şəhərində keçirilən "Gothia Puma Trophy" turnirindəki növbəti rəqibinin adına sabah aydınlıq gələcək.

Prosport.Az-ın xəbərinə görə, 4-cü qrupun son matçında Nigeriyanın "Sportinq" komandası İsveç "Myelbi"sini 3:1 məğlub edib.

Nəticədə ötən il bu turnirin çempionları olan "Sportinq" 7 xalla qrupu 1-ci, meydan sahibi "Yötebori" isə 6 xalla 2-ci bitirib. "Qarabağ" 4 xalla 3-cü, "Myelbi" 0 xalla sonuncu olub.

"Qarabağ" bu nəticə ilə "Rusenborq"la (Norveç) birgə ən yaxşı 3-cü olduğundan, sıralama matçları üçün pley-offda rəqibini gözləyəcək. Belə ki, "Bromapoykarna" (İsveç) – "Norhordlan" (Norveç) cütünün qalibi "Qarabağ"la oynayacaq. Ağdam təmsilçisi bu cütün qalibi ilə bu gün Bakı vaxtı ilə saat 20:40-da qarşılaşacaq.