"Qarabağ"ın 17 yaşadək futbolçulardan ibarət komandası “Gothia Puma Trophy”nin qrup mərhələsində son matçını keçirib.

Prosport.Az xəbər verir ki, İsveçdə təşkil olunan yarışın IV qrupunda yer alan komanda III turda yerli “Yötebori” ilə qarşılaşıb.

Görüş meydan sahiblərinin qələbəsi ilə yekunlaşıb – 2:0. Qolları 6-cı dəqiqədə Seneqal əsilli Manasse Diallo və 38-ci dəqiqədə Uliver Monson vurub. "Qarabağ" oyunu 9 nəfərlə bitirib. 58-ci dəqiqədə Rəvan Teymurov son ümid fauluna görə birbaşa qırmızı vərəqə alıb. Sonuncu – 60-cı dəqiqədə isə komandanın kapitanı Əli Qazıbəyov 2-ci sarı vərəqə ilə meydanı erkən tərk etməli olub.

Beləliklə, "Qarabağ" qrupu 4 xalla başa vurub. U-17-nin qrupdakı mövqeyi son turun digər matçından sonra dəqiqləşəcək.

Qeyd edək ki, ilk turda İsveç təmsilçisi “Myelbi” üzərində 2:1 hesablı qələbə qazanan "Qarabağ" ardınca turnirin son çempionları “Sportinq"lə (Laqos) heç-heçə edib – 0:0.