Azərbaycanın qadınlardan ibarət 3x3 basketbol millisi Dünya Seriyasının Buxarest mərhələsinin qalibi olub.

Prosport.Az xəbər verir ki, 1/4 finalda Çin yığması ilə qarşılaşan komandamız 21:17 hesabı ilə qalib gəlib.

Yarımfinalda qızlarımız Rumıniyanın "Rapid" (Buxarest) komandasını 21:18 hesabı ilə məğlub edib.

Finalda Azərbaycan yığmasının rəqibi ABŞ-nin "Sietl" komandası olub. Oyun basketbolçularımızın 21:18 hesablı qələbəsi ilə başa çatıb. Buxarest mərhələsinin ən dəyərli oyunçusu (MVP) çempion millimizin amerikalı üzvü Brianna Freyzer seçilib.

Qalib komandanın heyəti Arika Karter, Aleksandra Mollenhauer, Brianna Freyzer və Dina Ulyanovadan ibarət olub.

Qeyd edək ki, basketbolçularımız ilkin qrup mərhələsində "Sukuba"ya (Yaponiya) 21:10 və "Lozanna"ya (İsveçrə) 21:11 hesabları ilə qalib gəlib. Əsas mərhələnin C qrupunda isə onlar Ukrayna (21:20) və Sinqapuru (22:10) məğlub edib.