"Qarabağ"ın 13 yaşadək komandası (U-13) Bolqarıstanın Sozopol şəhərində keçiriləcək beynəlxalq turnirdə iştirak edəcək.

Prosport.Az xəbər verir ki, "International Sozopol Cup" adlanan turnirdə "Qarabağ" A qrupunda mübarizə aparacaq.

Komandamızın rəqibləri Bolqarıstanın "Botev", "Septemvri", "Ludoqorets", "Olimpiya" və "Etar" komandaları olacaq. "Qarabağ" iyunun 11-də "Septemvri" (Bakı vaxtı ilə saat 20:30), 12-də "Olimpiya" (20:30), 13-də "Etar" (11:15) və "Ludoqorets"lə (19:15), 14-də "Botev"lə (15:30) qarşılaşacaq.

A və B qrupundan 2 komanda yarımfinala çıxacaq. İyunun 15-də yarımfinallar keçiriləcək. Yarımfinala çıxmayan komandalar arasında isə həmin gün yoldaşlıq matçları təşkil olunacaq. 16 iyun Bakı vaxtı ilə saat 10:30-da 3-cülük matçı və 11:45-də final matçı keçiriləcək.