"Qarabağ"ın əvəzedici komandasının yeni baş məşqçisi müəyyənləşib.

Prosport.Az-ın xəbərinə görə, "Qarabağ"ın əvəzedici komandası növbəti mövsüm I Liqada çıxış edəcəyi halda, bu posta Vüqar Əsgərli əsas namizəddir.

Qeyd edək ki, Vüqar Əsgərli "Qarabağ"a ötən il – 2023/24 mövsümünün ortasında gəlib. Onun çalışdırdığı 15 yaşadək komanda (U-15) həmin mövsüm çempion olub. O bu mövsümdən U-19 komandasını çalışdırmağa başlayıb. Lakin onun çalışdırdığı komandanın sona 2 tur qalmış çempion olmayacağı dəqiqləşib. 3-cü sırada olan komanda bürünc medallar üçün mübarizə aparır.

Onu da bildirək ki, "Qarabağ"ın əvəzedici komandası başa çatan mövsümdə çempionatı 58 xalla 4-cü sırada bitirib və medalçılar sırasına düşməyib. Həmin komandanın baş məşqçisi Cavad Mirzəbəyli artıq komandadan ayrılıb və U-21 millimizin çalışdırıcısı Ayxan Abbasovun köməkçisi işləyəcək.

Səbuhi Musa