UEFA Konfrans Liqasının 2025-26 mövsümünün ilk püşkatmalarına qatılacaq komanda sayı 58-ə yüksəlib.

Prosport.Az xəbər verir ki, onlardan 41-i I, 17-si II təsnifat mərhələsindən yarışa qoşulacaq.

Azərbaycanı bu turnirdə təmsil edəcək 2 komanda püşk zamanı II təsnifat mərhələsinin səpələnməmişlər səbətində qərarlaşacaq. Onların artıq 8 potensial rəqibi məlumdur. Bunlar “Makkabi” (Hayfa, İsrail), “Omoniya” (Kipr), “Astana” (Qazaxıstan), “Riqa” (Latviya), AEK (Yunanıstan), “Ballkani” (Kosovo), “Vikinq” (Norveç) və “Rusenborq”dur (Norveç).

Hazırda “Zirə”, “Araz-Naxçıvan”, “Turan Tovuz” və “Sabah” iki yerə namizəd 4 komandadır. Kimlərin vəsiqə qazanacağını isə Misli Premyer Liqasının son iki turu və Azərbaycan Kubokunun final oyunu müəyyənləşdirəcək.