Azərbaycan Minifutbol Federasiyasının (AMF) təşkilatçılığı ilə ölkə futbolunun əfsanələri arasında oyun keçiriləcək.

Prosport.Az xəbər verir ki, “Neftçi 2000-lər” və “Premyer Liqa məşqçiləri” arasında oynanılacaq “Legends Cup” mayın 19-da Milli Gimnastika Arenasında təşkil olunacaq.

Qarşılaşma saat 20:00-da başlayacaq.

Qeyd edək ki, "Neftçi" 2000-lər"də Mahir Şükürov, Rail Məlikov, Hüseyn Məhəmmədov, Rəşad Abdullayev, Emin Quliyev, Samir Əliyev, Tərlan Əhmədov, Zaur Tağızadə, Ruslan Abışov, Vidadi Rzayev, Mahmud Qurbanov, Bəxtiyar Musayev, Rəşad Sadiqov yer alacaq. Onların baş məşqçisi Ağasəlim Mircavadov olacaq.

"Premyer Liqa məşqçiləri" komandasında isə Elmar Baxşıyev, Əfran İsmayılov (hər ikisi "Araz-Naxçıvan"), Rəşad Sadıqov, Fərhad Vəliyev (hər ikisi "Zirə"), Vasili Berezutski ("Sabah"), Elvin Məmmədov ("Səbail"), Azər Bağırov ("Kəpəz"), Samir Abasov ("Neftçi"), Vaqif Cavadov ("Sumqayıt"), Qurban Qurbanov, Elçin Rəhmanov, Muşfiq Hüseynov (hər üçü "Qarabağ") və Ayxan Abbasovun ("Şamaxı") olması planlaşdırılıb. Onların baş məşqçisi "Turan Tovuz"u çalışdıran türkmənistanlı Qurban Berdiyev olacaq.