Minifutbol üzrə Azərbaycan millisinin dünya çempionatında keçirəcəyi oyunların vaxtı dəqiqləşib.

Prosport.Az xəbər verir ki, bunu Azərbaycan Minifutbol Federasiyasının mətbuat xidməti açıqlayıb.

Komandamızın Bakıdakı mundialın qrup mərhələsində keçirəcəyi oyunların başlama saatları bəlli olub. Mayın 21-də Bəhreynə qarşı baş tutacaq ilk görüş saat 20:30-da başlayacaq.

İki gün sonra Sloveniya ilə üz-üzə gələcək millimiz saat 20:45-də meydana çıxacaq. Mayın 25-də keçiriləcək Azərbaycan – Mavritaniya qarşılaşmasının start fiti saat 19:30-da veriləcək.

Qeyd edək ki, dünya çempionatının mayın 21-də təşkil olunacaq açılış mərasimi saat 19:00-da başlayacaq.