Dünya çempionatına hazırlaşan Azərbatcanın minifutbol millisi Monteneqronun Xertseq Novi şəhərində təşkil olunan beynəlxalq turnirin qalibi olub.

Prosport.Az xəbər verir ki, daha əvvəl Bosniya və Herseqovinaya 7:2 qalib gəlmiş Elşad Quliyevin yetirmələri daha sonra Türkiyə (1:0), Monteneqro (3:2) və Qazaxıstan (5:0) yığmalarına qalib gələrək baş mükafata sahib çıxıb.

Yığmamızın üzvü üzvü Təmkin Xəlilzadə turnirin ən yaxşı oyunçusu adına layiq görülüb.

Qeyd edək ki, Elşad Quliyevin rəhbərlik etdiyi kollektiv daha bir beynəlxalq turnirdə iştirak etmək üçün Slovakiyanın Koşitse şəhərinə yollanıb. Aprelin 30-da start götürəcək yarışda millimizlə yanaşı Slovakiya, Ukrayna, Belçika, Polşa və Macarıstan seçmələri də mübarizə aparacaq. Turnirə mayın 1-də yekun vurulacaq.