I Liqanın autsayder komandası olan "Qaradağ Lökbatan" rəhbərliyi 2 klub rəsmisini işdən qovub.

Prosport.Az-ın əldə etdiyi xəbərə görə, bunlar təlimatçı metodist Mərhəmət Cəfərli və məşqçi Tamerlan Cəlalzadədir.

Onların hər ikisi XX turun "Cəbrayıl"la "ASCO Arena"da keçirilmiş və qolsuz hesabla başa çatan matçına görə qovulub. Belə ki, Lökbatan qəsəbə komandasının heyətində adı protokolda olmayan futbolçular meydana çıxdığına görə, AFFA İntizam Komitəsi kluba 0:3 hesablı texniki məğlubiyyət verib.

Bu 2 şəxs məhz həmin oyunçuların meydana salınmasında günahkar bilinib.

Qeyd edək ki, Tamerlan Cəlalzadəni baş məşqçi Amit Quluzadə özü ilə komandaya gətirmişdi. Mərhəmət Cəfərli isə uzun müddət idi ki, klubda işləyirdi.