Azərbaycan Basketbol Liqasında pley-off (1/4 final) mərhələsinin bütün iştirakçıları bəlli olub.

Prosport.Az xəbər verir ki, pley-in (1/8 final) mərhələsində qarşılaşan "Abşeron" və NTD kollektivlərinin duelində 81:74 hesabı ilə qələbə qazanan Abşeron təmsilçisi pley-offa yüksəlib.

Tərəflər arasında ilk oyunda “Abşeron” (88:74), 2-ci görüşdə NTD (67:63) qalib gəlmişdi. Beləliklə, Azərbaycan Kubokunun son qalibi olan NTD çempionatla erkən vidalaşıb. "Abşeron" A qrupunun 2-cisi "Naxçıvan"a rəqib olub.

Növbəti mərhələyə adlayan digər komanda "Sərhədçi" olub. "Sumqayıt"a 96:94 hesabı ilə qalib gələn paytaxt təmsilçisi rəqibini mübarizədən kənarlaşdırıb.

Komandaların ilk görüşündə “Sərhədçi” (123:97), 2-ci matçında isə “Sumqayıt” (100:97) qələbə qazanmışdı. "Sərhədçi" A qrupunu lider kimi başa vurmuş "Sabah"a rəqib olub.

Qeyd edək ki, daha əvvəl "Gəncə" "Lənkəran"ı (96:92, 100:74), "Ordu" "Quba"nı (88:74, 92:88) məğlub edərək pley-offa yüksəlmişdi.